កីឡាករ Lionel Messi នឹងចាកចេញពី Paris Saint-Germain នៅពេលដែលកិច្ចសន្យារបស់គាត់ផុតកំណត់នៅចុងខែនេះ ។ គ្រូបង្វឹករបស់ PSG លោក Christophe Galtier បានបញ្ជាក់កាលពីថ្ងៃព្រហស្បតិ៍ ថា Messi នឹងមិនចុះកិច្ចសន្យាថ្មីទេ ហើយគាត់នឹងចាកចេញពីក្លឹបក្នុងនាម ជាកីឡាករដែលគ្មានតម្លៃខ្លួន ។
គួរអោយដឹងផងដែរថា Messi បានចូលរួមចំណែកស៊ុតបញ្ចូលទី 21 គ្រាប់ និងបញ្ជូនបាល់ឲ្យមិត្តរួមក្រុម 20 ដងក្នុងការបង្ហាញខ្លួន 40 លើកក្នុងរដូវកាលនេះ នឹងបានជួយឲ្យក្លឹបឈ្នះពានរង្វាន់ Ligue 1 ផងដែរ ។ បើទោះបីជាមានអាយុ 36 ទៅហើយក៏ដោយ Messi នៅតែទទួលបានសំណើរពីក្លឹបជាច្រើននៅក្នុងរដូវក្តៅនេះ។ នៅថ្ងៃនេះ CSB SPORT នឹងប្រាប់អ្នកទាំងអស់គ្នាអំពីក្លឹបចំនួន 4 ដែល Messi អាចនឹងទៅចូលរួមនៅរដូវកាលក្រោយ ។
1-Al Hilal
Al Hilal គឺជាជម្រើសដែលទំនងជាងគេសម្រាប់ Lionel Messi ។ របាយការណ៍ជាច្រើនបានរាយការណ៍ថាឪពុករបស់ Messi ដែលដើរតួជាភ្នាក់ងារបស់គាត់បានយល់ព្រមលើកិច្ចព្រមព្រៀងដែលមានតម្លៃ 1.04 ពាន់លានផន ។
ប្រសិនបើគាត់ចូលរួមជាមួយ Al Hilal នោះ Messi នឹងវ៉ាដាច់ Cristiano Ronaldo ដែលរកបាន 173 លានផោនក្នុងមួយឆ្នាំនៅ Al Nassr ខណៈដែល Al Hilal ផ្តល់អោយ Messi ដល់ទៅ 369 លានផោនក្នុងមួយឆ្នាំ ។
ដែលតម្លៃនេះគឺខុសគ្នា មួយគុណនឹងពីរទៅហើយ ។ មានការលើកឡើងថាភរិយារបស់គាត់អ្នកស្រី Antonela មានការស្ទាក់ស្ទើរក្នុងការផ្លាស់ប្តូរទៅមជ្ឈិមបូព៌ាជាមួយកូនប្រុសទាំងបីរបស់ពួកគេ ប៉ុន្តែ Al-Hilal បានប្តេជ្ញាចិត្ត ហើយថែមទាំងបានផ្តល់សំណើរដើម្បីចុះហត្ថលេខាលើ Sergio Busquets, Jordi Alba និង Marco Verratti ដើម្បីលើកទឹកចិត្ត Messi ផងដែរ។
2-Barcelona
Messi ទើបតែបានទៅទីក្រុង Barcelona ក្នុងពេលថ្មីៗនេះជាមួយ Cesc Fabregas ដើម្បីទស្សនាកម្មវិធី Coldplay ជំនួសអោយការអបអរការឈ្នះពានរង្វាន់ League 1 ។ ដែលរឿងនេះបានជំរុញឱ្យមានការកើនឡើងនូវការរំពឹងទុកថាគាត់អាចកំពុងសម្លឹងមើលការវិលត្រឡប់ទៅកាន់ក្លឹបចាស់វិញ ។
3-Inte Miami
ក្រុមដែលមានម្ចាស់ក្លឹបជាលោក David Beckham មិនបានលាក់បាំងពីបំណងក្នុងការចង់បាន Messi នោះទេ ។ យោងតាមកាសែត The Times បានរាយការណ៍ថាពួកគេមានទំនុកចិត្តក្នុងការចុះហត្ថលេខាលើគាត់លើកិច្ចព្រមព្រៀងដែលនឹងធ្វើឱ្យគាត់ក្លាយជាកីឡាករដែលមានប្រាក់ខែខ្ពស់បំផុតក្នុងប្រវត្តិសាស្ត្រ MLS ។Messi ត្រូវបានគេស្គាល់ថាជាអ្នកគាំទ្រនៃទីក្រុង Miami ហើយគាត់ធ្លាប់បាននាំគ្រួសាររបស់គាត់ទៅលេងកម្សាន្តនៅទីនោះជាច្រើនដង។
4-Newell’s Old Boys
ជម្រើសមួយទៀតសម្រាប់ Messi គឺការត្រឡប់ទៅប្រទេសអាហ្សង់ទីនវិញ ។ គាត់បានចាប់ផ្តើមអាជីពរបស់គាត់ជាមួយ Newell’s Old Boys នៅ Rosario ហើយគាត់ក៏ធ្លាប់បាននិយាយអំពីលទ្ធភាពនៃការត្រឡប់មកវិញនៅថ្ងៃណាមួយផងដែរ ។
ជម្រើសនេះមួយប្រហែលជាមានភាគរយតិចជាងគេ បើយើងពិចារណាលើការផ្តល់ជូនរបស់ក្លឹបធំៗផ្សេងទៀត ប៉ុន្តែការត្រឡប់មកផ្ទះវិញនៅពេលអនាគតវាជារឿងដែលមិនអាចបដិសេធបាន។អានពត៌មានប្រចាំថ្ងៃ