លោក Mauricio Pochettino ត្រូវបានតែងតាំងជាគ្រូបង្វឹករបស់ Chelsea ជាផ្លូវការណ៍

ក្រុមតោខៀវ Chelsea បានចែកផ្លូវគ្នាជាមួយលោក Graham Potter កាលពីដើមខែមេសាកន្លងទៅនេះ ។ លោក Frank Lampard ត្រូវបានតែងតាំងជាគ្រូបង្វឹកបណ្តោះអាសន្នរហូតដល់ចប់រដូវកាលនេះ ។

Chelsea បានព្យាយាមជាមួយនឹងរដូវកាលដ៏យ៉ាប់យឺន នឹងបានស្វែងរកបេក្ខភាពជាច្រើនដើម្បីក្លាយជាគ្រូបង្វឹករបស់ពួកគេ នឹងដើម្បីធ្វើអោយប្រកដថាគ្រូថ្មីរបស់ពួកគេគឺមិនមែនជាការសម្រេចចិត្តខុសដូចកាលលោក Graham Potter ។

បេក្ខភាពដែល Chelsea សម្លឹងឃើញរួមមានលោក Julian Nagelsmann , Mauricio Pochettino និងលោក Luiz Enrique ជាលទ្ធផល Chelsea បានឈានដល់កិច្ចព្រមព្រៀងពេញលេញដើម្បីសម្រេចការតែងតាំងលោក Mauricio Pochettino ជាគ្រូបង្វឹកថ្មីសម្រាប់រដូវកាលក្រោយនេះ ។ កិច្ចព្រមព្រៀងបានធ្វើឡើងចាប់តាំងពីខែមេសាមកម្ល៉េះ ហើយទីបំផុតត្រូវបានកំណត់ថាកិច្ចព្រមព្រៀងត្រូវបានបញ្ចប់ ។

អតីតគ្រូបង្វឹក Tottenham និង PSG នឹងចាប់ផ្តើមក្នុងនាមជាគ្រូបង្វឹក Chelsea ចាប់ពីខែមិថុនានេះតទៅ ដោយឡែកលោក Frank Lampard នឹងនៅតែបន្តជាអ្នកចាត់ការបណ្តោះអាសន្នរហូតដល់ចុងបញ្ចប់នៃរដូវកាលនេះដដែល ។ ជាមួយគ្នានេះលោក Pochettino នឹងនាំជំនួយការរបស់គាត់មកធ្វើការជាមួយគ្នា ហើយនឹងពិភាក្សាពីយុទ្ធសាស្ត្រក្នុងការផ្ទេរកីឡាករជាមួយក្លឹបក្នុងពេលឆាប់ៗនេះ។អានពត៌មានប្រចាំថ្ងៃ