ក្រុមជម្រើសជាតិកម្ពុជា ឈុតធំ នឹងបើកទ្វារពហុកីទ្បដ្ឋានជាតិអូទ្បាំពិក ស្វាមគមន៍ក្រុមជម្រើសជាតិប៉ាគីស្ថាន នាការប្រកួត FIFA World Cup ឆ្នាំ២០២៦ វគ្គជម្រុះបឋម នៅវេលាម៉ោង ១៩:០០ថ្ងៃទី១២ ខែតុលា ឆ្នាំ២០២៣នេះ។ ក្រុមទាំងពីរក៏ធ្លាប់មានប្រវត្តិជួបគ្នាចំនួន២លើករួចមកហើយដែរ ប៉ុន្តែក្រុមជម្រើសជាតិប៉ាគីស្ថានមិនដែលយកឈ្នះលើក្រុមជម្រើសជាតិកម្ពុជា សូម្បីតែម្ដងនោះទ្បើយ…។
ទោះយ៉ាងណា មុនជួបគ្នានៅយប់នេះ សូមធ្វើបទបង្ហាញពីប្រវត្តិជួបគ្នាខ្លះៗរបស់ក្រុមទាំងពីរ កាលពីកន្លងទៅដែលរួមមាន៖ លើកទី១- ថ្ងៃទី០៦ ខែមិថុនា ឆ្នាំ២០១៩ ក្រុមជម្រើសជាតិកម្ពុជា ២-០ ក្រុមជម្រើសជាតិប៉ាគីស្ថាន វគ្គជម្រុះបឋមក្នុងតំបន់អាស៊ី នៃពានរង្វាន់ FIFA World Cup ឆ្នាំ២០២២។
លើកទី២- ថ្ងៃទី១១ ខែមិថុនា ឆ្នាំ២០១៩ ក្រុមជម្រើសជាតិប៉ាគីស្ថាន ១-២ ក្រុមជម្រើសជាតិកម្ពុជា វគ្គជម្រុះបឋមក្នុងតំបន់អាស៊ី នៃពានរង្វាន់ FIFA World Cup ឆ្នាំ២០២២។
ជាមួយគ្នានេះ ក្រុមជម្រើសជាតិកម្ពុជាឈុតធំ ក្រោមការដឹកនាំរបស់លោក ហ្វីឡិច ឌែលម៉ាស ហាក់ដូចជាជាទទួលបានលទ្ធផលល្អជាងក្រុមជម្រើសជាតិប៉ាគីស្ថាន បន្ទាប់ពីលេង៣ប្រកួតដូចគ្នា ក្រុមកម្ពុជាឈ្នះ១ ស្មើ១ និងចាញ់១ រីឯក្រុមប៉ាគីស្ថាន មិនទាន់ស្គាល់រសជាតិឈ្នះម្ដងនៅទ្បើយទេ។អានពត៌មានប្រចាំថ្ងៃ