ឯកឧត្តម ខូវ ឆាយ ប្រកាសបិទកីឡាកររូបនេះមិនអោយប្រកួតលើសង្វៀនគុនខ្មែរឡើយ

ឯកឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរបានប្រកាសចំៗថា មិនអោយកីឡាករ Dave Leduc ប្រកួតនៅលើសង្វៀនគុនខ្មែរណាមួយឡើយនៅក្នុងអាណត្តិរបស់លោក ព្រោះថាកីឡាកររូបនេះមិនបានផ្តល់ផលចំណេញអ្វីដល់គុនខ្មែរឡើយ ។ កីឡាករ Dave Leduc បានទទួលស្គាល់ថាគុនខ្មែរគឺ Original ប៉ុន្តែបើយើងងាកទៅមើលទង្វើរបស់គេវិញ គេគ្រាន់តែយកគុនខ្មែរដើម្បីធ្វើជាឈ្នាន់ផ្សព្វផ្សាយក្បាច់គុន Lethwei របស់គេតែប៉ុណ្ណោះ ។ធឿន ធារ៉ា ជាបេក្ខភាពម្នាក់ឡើងដណ្តើមខ្សែក្រវាត់គុនខ្មែរអំបោះឆៅ

ថ្លែងនៅក្នុងបទសម្ភាសន៍មួយ ឯកឧត្តម ខូវ ឆាយ បានប្រកាសថាលោកនឹងមិនអនុញ្ញាតអោយកីឡាករ Dave Leduc ប្រកួតនៅលើសង្វៀនគុនខ្មែរឡើយ ដោយលោកបានមានប្រសាសន៍ថា “ដរាបណាខ្ញុំនៅឈរជើងជាប្រធានសហ័ព័ន្ធកីឡាប្រដាល់គុនខ្មែរ ខ្ញុំមិនអោយគាត់ឡើងសង្វៀនគុនខ្មែរនៅលើប្រទេសកម្ពុជាឡើយ ។ ខ្ញុំគិតថាបើគាត់ចង់ឡើងសង្វៀននៅប្រទេសកម្ពុជាខ្ញុំគិតថាគាត់គួរតែរង់ចាំដល់ខ្ញុំចុះចេញសិន ។

លើសពីនោះ ឯកឧត្តម ខូវ ឆាយ ក៏បានបង្ហោះសំណេរមួយផងដែរថា “តើបុគ្គលនេះចង់បានលុយ ឬចង់ផ្តួលកីឡាករមួយថៃ? បើចង់ផ្តួលកីឡាករមួយថៃ អ្នកអាចទៅប្រកួតនៅសង្វៀនប្រទេសថៃ ឬទៅប្រកួតនៅភូមាស្រុកអ្នកឯងចុះ។ គុនខ្មែររបស់កម្ពុជាមានសមត្ថភាពគ្រប់គ្រាន់ក្នុងការយកឈ្នះគូប្រកួតគ្រប់ជាតិសាសន៍ មិនត្រូវការពឹងពាក់អ្នកឯងទេ។ ដរាបណាខ្ញុំនៅជាប្រធានសហព័ន្ធគុនខ្មែរ ខ្ញុំមិនស្វាគមន៍បុគ្គលនេះឡើងសង្វៀនគុនខ្មែរដាច់ខាត។ បើចង់ឡើងសង្វៀនគុនខ្មែរម្តងទៀត អ្នកអាចរងចាំរហូតដល់ប្រធានសហព័ន្ធអាណត្តិថ្មីចុះ។