CAMSOC-ភ្នំពេញ៖ «ស៊ីហ្គេម-អាស៊ានប៉ារ៉ាហ្គេម ២០២៣ ជារបស់យើងទាំងអស់គ្នា ដូច្នេះសូមបងប្អូនអ្នកស្ម័គ្រចិត្តប្រឹងប្រែងធ្វើវាឲ្យបានល្អបំផុត ពីព្រោះដើម្បីសង្គមជាតិ និងដើម្បីប្រទេសជាតិយើង។ ព្រឹត្តិការណ៍ស៊ីហ្គេមជារបស់យើងទាំងអស់គ្នា មិនមែនតែរបស់ សសយក មិនមែនតែរបស់ CAMSOC ទេ…តែជារបស់យើងទាំងអស់គ្នា»។
នេះជាប្រសាសន៍របស់ ឯកឧត្ដម សុខ សប្បាយណា ប្រធានគណៈកម្មការស្ម័គ្រចិត្តនៃគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម (CAMSOC-CAMAPGOC) នៅព្រឹកថ្ងៃទី២៥ ខែមីនា ឆ្នាំ២០២៣ ក្នុងវគ្គបណ្ដុះបណ្ដាលអ្នកស្ម័គ្រចិត្តសម្រាប់ព្រឹត្តិការណ៍ជាប្រវត្តិសាស្ត្រទាំងពីរ។
ឯកឧត្ដម សុខ សប្បាយណា បានលើកឡើងថា ការរួមចំណែករបស់ប្រជាពលរដ្ឋខ្មែរ និងជាពិសេស អ្នកស្ម័គ្រចិត្ត ដែលលះបង់ពេលវេលា កម្លាំងកាយចិត្តដើម្បីចូលរួមជួយកីឡាស៊ីហ្គេម-អាស៊ានប៉ារ៉ាហ្គេមគឺឱកាសបង្ហាញពិភពលោកឲ្យឃើញយ៉ាងច្បាស់ថា នេះហើយជាខ្មែរ។ នេះហើយជាការស្វាគមន៍របស់ខ្មែរទៅកាន់ពិភពលោក។ នេះហើយជាការបង្ហាញទៅកាន់ពិភពលោកឃើញថា កម្ពុជាមានមោទកភាពប៉ុណ្ណាពេលរៀបចំស៊ីហ្គេមបានល្អបំផុត។អានពត៌មានប្រចាំថ្ងៃ