កីឡាករ ធន់ រឹទ្ធី បានបាត់បង់ខ្សែក្រវ៉ាត់ Krud Kun Khmer ក្នុងប្រភេទទម្ងន់ 73kg របស់ខ្លួន បន្ទាប់ពីរូបគេបានប្រកួតចាញ់ជើងខ្លាំងមកពីប្រទេសអឺរ៉ង់ ហាសាន់ វ៉ាដានី ដោយសន្លប់បាត់មាត់ឈឹងនៅក្នុងទឹកទីមួយ។
ក្រោយផ្ដួលដៃគូឱ្យបោះបង់ត្រឹមទឹកទី១ ឈឿង ល្វៃ បញ្ជាក់ច្បាស់ៗថា រូបគេត្រៀមទៅហុងកុងសាជាថ្មី
បើនិយាយពី ហាសាន់ វ៉ាដានី នេះវិញ កីឡាករអឺរ៉ង់រូបនេះមានសមត្ថភាពមិនធម្មតានោះទេ ពោលគឺរូបគេធ្លាប់បានបំបាក់ជើងខ្លាំងគុនខ្មែររបស់យើងជាច្រើននាក់រួចមកហើយ ជាក់ស្តែងចំពោះកីឡាករ ធន់ រឹទ្ធី តាមពិតទៅធ្លាប់ចាញ់កីឡាករ ហាសាន់ វ៉ាដានី នេះម្តងរួចទៅហើយកាលពីឆ្នាំ 2023 កន្លងទៅ ខណៈដែលមកម្តងនេះ ធន់ រឹទ្ធី នៅតែមិនអាចសងសឹកបានហើយថែមទាំងបាត់បង់ខ្សែក្រវ៉ាត់មួយខ្សែទៀតទៅឲ្យ ហាសាន់ វ៉ាដានី នេះថែមទៀតផង។
យ៉ាងណាមិញ បន្ទាប់ពីបានឃើញសមត្ថភាពដ៏ខ្លាំងរបស់កីឡាករសញ្ជាតិអឺរ៉ង់នេះរួចមក ស្រាប់តែអ្នកគាំទ្រគុនខ្មែរយើងជាច្រើនបាននាំគ្នាចុចឈ្មោះកីឡាករគុនខ្មែរមួយរូបដែលអាចមានសមត្ថភាពគ្រប់គ្រាន់ក្នុងការបំបាក់កីឡាករ ហាសាន់ វ៉ាដានី នេះបាន ហើយម្នាក់នោះគឺអ្នកលេងពូថៅដៃពិឃាត ធឿន ធារ៉ា ។
សម្រាប់ ហាសាន់ វ៉ាដានី នេះកន្លងមករូបគេក៏ធ្លាប់មានប្រវត្តិប្រកួតស្មើរគ្នាជាមួយកីឡាករ ធឿន ធារ៉ា ម្តងដែរ ចុះប្រសិនបើម្តងនេះមានការរៀបចំឲ្យប៉ះគ្នាមែននោះ តើបងប្អូនគិតថា ធឿន ធារ៉ា អាចយកឈ្នះ ហាសាន់ វ៉ាដានី នេះបានដែរឫទេ ?