អ្នកគាំទ្រគុនខ្មែរជាច្រើនបានទទូចស្នើឱ្យស្ថានីយទូរទស្សន៍ក្នុងស្រុកមួយចំនួន ដែលទទួលបានការគាំទ្រការឧបត្ថម្ភពីក្រុមហ៊ុនឯកជនក្រៅស្រុក ត្រូវជួយផ្សព្វផ្សាយគុនខ្មែរ តាមរយៈការលើកតម្កើងមរតកក្បាច់គុនដូនតាមួយនេះឱ្យបានល្អ កុំគិតតែពីប្រយោជន៍ផ្ទាល់ខ្លួន រហូតមិនហ៊ានសរសេរពាក្យគុនខ្មែរក្នុងកម្មវិធីប្រដាល់…។
បើយើងក្រឡេកមើលបច្ចុប្បន្ន ស្ថានីយទូរទស្សន៍ថោន និងស្ថានីយទូរទស្សន៍ជាតិកម្ពុជា ទទួលបានការគាំទ្រខ្លាំងពីសំណាក់ប្រជាពលរដ្ឋខ្មែរទូទាំងប្រទេស នោះក៏ព្រោះតែស្ថានីទូរទស្សន៍ទាំងពីរនេះ រៀបចំកម្មវិធីប្រដាល់បំពេញសេចក្តីត្រូវការរបស់អ្នកទស្សនា ពិសេសការលើកតម្កើងក្បាច់គុនមរតកដូនតាខ្មែរ គឺគុនខ្មែរ។
ដោយមានក្រុមហ៊ុនឯកជនក្នុងស្រុកមួយចំនួនបានជួយឧបត្ថម្ភគាំទ្រ និងជួយជំរុញប្រដាល់គុនខ្មែរឆ្ពោះទៅកាន់ឆាកអន្តរជាតិយ៉ាងឆាប់រហ័ស ខុសពីបណ្តាស្ថានីយទូរទស្សន៍ឯកជនក្នុងស្រុកមួយចំនួន ដែលទទួលរងឥទ្ធិពលពីក្រុមហ៊ុនបរទេស ។
ពិសេសក្រុមហ៊ុនមកពីប្រទេសផ្ទះលេខ២(អ្នកគាំទ្រខ្មែរនិយមហៅ)មិនហ៊ានដាក់ពាក្យគុនខ្មែរ ឬផលិតខ្សែក្រវាត់កម្រិតស្ដង់ដារឱ្យកីឡាករកម្ពុជាប្រកួតដណ្តើម ក្រៅតែពីខ្សែក្រវាត់កម្រិតភេសជ្ជៈ និងស្រាបៀរនោះឡើយ។អានពត៌មានប្រចាំថ្ងៃ