ហេតុអ្វីបានជាក្នុងពានរង្វាន់ FA Cup កាលពីយប់មិញអាជ្ញារកណ្តាលប្រើកាតក្រហមមានរាងជារង្វង់ ?

កាតក្រហមមានរាងជារង្វង់ត្រូវបានប្រើនៅក្នុងការប្រកួតពានរង្វាន់ FA Cup កាលពីយប់មិញក្នុងជំនួបរវាងក្លឹប Brentford ទល់និងក្លឹប Wolves ។ កាតក្រហមមួយនេះត្រូវបានបង្កើតឡើងដោយលោកអាជ្ញាកណ្តាល Tony Harrington ដែលជាអ្នកកាត់ក្តីការប្រកួតនោះផ្ទាល់តែម្តង ហើយបន្ទាប់ពីការលើកកាតក្រហមរាងរង្វង់នេះឡើងធ្វើឲ្យមានមនុស្សជាច្រើនឆ្ងល់ថា ហេតុអ្វីបានជាគាត់លើកកាតក្រហមរាងរង្វង់បែបនេះឡើង ដោយហេតុថាជាទូទៅមិនថាកាតក្រហមឫកាតលឿងរបស់អាជ្ញារកណ្តាលទេសុទ្ធតែមានរាងចតុកោណកែង។

យោងតាមការបញ្ជាក់របស់លោក Tony Harrington បានឲ្យដឹងថា កាតក្រហមរាងរង្វង់នេះគឺជាគំនិតច្នៃប្រឌិតផ្ទាល់ខ្លួនរបស់គាត់តែម្តង ដើម្បីសម្រួលនិងជៀសវាងការលើកកាតច្រឡំ ព្រោះថាជាទូទៅទាំងកាតលឿងនិងកាតក្រហមតែងតែមានរាងជាចតុកោណកែង ដូច្នេះបើគាត់ដាក់ក្នុងហៅប៉ៅពេលបន្ទាន់ត្រូវឲ្យកាតទៅកីឡាករត្រូវដកចេញមកភ្លាមៗ គាត់ខ្លាចឲ្យកាតទៅកីឡាករច្រឡំ។

ហេតុនេះហើយដើម្បីជាការចំណាំរបស់គាត់ គាត់ក៏ច្នៃកាតក្រហមឲ្យទៅជារាងរង្វង់ និងកាតលឿងទុកឲ្យមានរាងជាចតុកោណកែងដដែល។ គួរឲ្យដឹងផងដែរថា កន្លងមកក៏មានអ្នកធ្លាប់ធ្វើបែបនេះផងដែរ ក្នុងពានរង្វាន់ FA Cup នេះដែលលោកអាជ្ញារកណ្តាលមានឈ្មោះថា Dean Whitestone បានប្រើកាតក្រហមមានរាងជារង្វង់ក្នុងការប្រកួតរវាងក្លឹប Wrexham ទល់និងក្លឹប Sheffield United។អានពត៌មានប្រចាំថ្ងៃ