នេះបើយោងតាមគេហទំព័រ teamtalk.com បានរាយការណ៍ថា ក្រុម Manchester United ទំនងជាមិនបង្កើតការចុះហត្ថលេខាសំខាន់ៗណាមួយនៅក្នុងទីផ្សារដោះដូរកីឡាករខែមករានោះទេ។ នេះគឺដោយសារតែការពន្យារពេលក្នុងការវិនិយោគរបស់ Sir Jim Ratcliffe ទៅក្នុងក្លឹប និងអាទិភាពរបស់ក្លឹបក្នុងការស្វែងរកផ្ទះថ្មីសម្រាប់តារាពីរ។
Glazers នឹងត្រួតពិនិត្យការផ្ទេរខែមករារបស់ Manchester United បើទោះបីជាលោក Sir Jim Ratcliffe ចូលកាន់តំណែងក៏ដោយ ហើយលោក Ratcliffe ប្រធាន INEOS ដែរបានទិញនិងកាន់កាប់ភាគរយ 25% នៃក្លឹប Man United កាលពីថ្ងៃទី 25 ខែធ្នូឆ្នាំ 2023។
ទោះបីជាយ៉ាងណាក៏ដោយ ការកាន់កាប់មួយផ្នែកនៅតែជាកម្មវត្ថុនៃការផ្តល់សច្ចាប័នពី Premier League ដែលអាចចំណាយពេលប្រាំមួយសប្តាហ៍។ នេះអាចប៉ះពាល់ដល់វិសាលភាពនៃអាជីវកម្មរបស់ United ក្នុងខែមករា។
តែបើយោងតាមគេហទំព័រ express.co.uk បារាយការណ៍ផងដែរថា ក្រុម Manchester United ទំនងជាផ្តោតទៅលើការចេញលក់មុនពេលចូលទីផ្សារដោះដូរកីឡាករខែមករា។ Donny van de Beek គ្រោងនឹងចាកចេញនៅថ្ងៃទី 1 ខែមករា ហើយខ្សែបម្រើម្នាក់ទៀតប្រហែលជាមិននៅឆ្ងាយពេកទេ។អានពត៌មានប្រចាំថ្ងៃ