លោក FABIO GROSSO ត្រូវបានបណ្តេញចេញពីតួរនាទីគ្រូបង្វឹកក្រុម LYON

នេះបើយោងតាម ​​L’Équipe និង RMC Sport បានរាយការណ៍ថា ក្លឹប Lyon បានបណ្តេញអ្នកចាត់ការសញ្ជាតិអ៊ីតាលី Fabio Grosso បន្ទាប់ពីដឹកនាំបានប្រាំពីរប្រកួត ដោយរជ្ជកាលរបស់ Grosso គឺខ្លីបំផុតក្នុងប្រវត្តិសាស្រ្តរបស់ក្លឹប ដោយបានបំបែកកំណត់ត្រារបស់ Sylvinho ក្នុងចំណោម 11 ប្រកួតក្នុងឆ្នាំ 2019។

Grosso ឈ្នះម្តង ស្មើ 2 ដង និងចាញ់ 4 ដង និង Pierre Sage ដែលជានាយកមជ្ឈមណ្ឌលហ្វឹកហ្វឺនអាយុ 44 ឆ្នាំនឹងចូលកាន់តំណែងជាគ្រូបង្វឹកបណ្តោះអាសន្ន ដោយប្រធានសាលាយុវជន លោក Pierre Sage នឹងទទួលបន្ទុកជាបណ្តោះអាសន្ន ហើយនឹងមានវត្តមានសម្រាប់ការប្រកួតជាមួយ RC Lens នៅថ្ងៃសៅរ៍ ហើយទំនងជាសម្រាប់ការធ្វើដំណើរទៅកាន់ទីក្រុង Marseille នៅថ្ងៃពុធសប្តាហ៍ក្រោយ។

គាត់នឹងត្រូវបានជួយដោយ Jérémie Bréchet, Jean-Françoios Vulliez និង Rémy Vercoutre ឥឡូវនេះ Lyon នឹងស្វែងរកអ្នកស្នងតំណែងរយៈពេលវែងរបស់ Grosso។អានពត៌មានប្រចាំថ្ងៃ