រសៀលនេះ កីឡាការិនី ខាន់ចេសា និង ស្រួងភាវី ចេញប្រកួតដណ្តើមមេដាយទៀតហើយ

នៅរសៀលថ្ងៃទី០៧ ខែឧសភា ឆ្នាំ២០២៣នេះ កីឡាការិនីឆ្នើមកម្ពុជាពីររូប និងចេញយុទ្ធនាការប្រកួតប្រជែងជាមួយអត្តពលិកមកពីបណ្តាប្រទេសអាស៊ាន លើវិញ្ញាសាពីរប្រភេទផ្សេងគ្នា​ គឺកីឡាជឺជូតស៊ូ និងកីឡាស្នូឃ័រ និងប៊ីយ៉ែប្រភេទការ៉ុម ខណៈកីឡាការិនី ខាន់ ចេសា បានភ្លាត់ស្នៀតប្រកួតចាញ់១វិញ្ញាសាហើយដោយដណ្តើមបានត្រឹមមេដាយប្រាក់…។

កីឡាការិនី ខាន់ ចេសា ធ្វើបានយ៉ាងល្អនៅវគ្គជម្រុះវិលជុំដោយបានផ្តួលកីឡាការិនីមកពីសិង្ហបុរី ថៃ និងវៀតណាមឱ្យបោះបង់ការប្រកួត ពោលគឺឈ្នះពិន្ទុដាច់១០០លើ០ ឡើងទៅកាន់វគ្គផ្តាច់ព្រ័ត្រដណ្តុំមេដាយមាស ជាមួយកីឡាការិនីហ្វីលីពីន ដែលផ្តួលកីឡាការិនីមិត្តរួមតំបន់ដូចកម្ពុជាដែរ។

យ៉ាងណា ការប្រកួតវគ្គផ្តាច់ព្រ័ត្រ ដែលមហាជនកម្ពុជា និងក្រុមអត្តពលិកអាស៊ានរំពឹងថា កីឡាការិនី ខាន់ ចេសា ឈ្នះមេដាយមាស បែរជាក្រឡាប់ចាក់១៨០ដឺក្រេ ដោយកីឡាការិនី ខាន់ ចេសា ភ្លាត់ស្នៀតឱ្យកីឡាការិនីចាប់ឃ្លេរជើងដណ្តើមបានពីរពិន្ទុ ឈ្នះការប្រកួតនេះតែម្ដង។

សម្រាប់កីឡាការិនីទាំងពីរ គឺជាការប្រកួតសងសឹកគ្នា ព្រោះកាលពីអំឡុងស៊ីហ្គេមនៅហ្វីលីពីន ឆ្នាំ២០១៩ កីឡាការិនីផ្តួលកីឡាការិនីហ្វីលីពីនឈ្នះ២ពិន្ទុ ដណ្តើមបានមេដាយមាស ឥឡូវកីឡាការិនីហ្វីលីពីន ប្រកួតឈ្នះនៅទឹកដីកម្ពុជាវិញ ហើយឈ្នះត្រឹម២ពិន្ទុដូចគ្នា។

ដោយឡែក សម្រាប់កីឡាការិនី ស្រួង ភាវី វិញគឺទើបនឹងចាប់ផ្តើមការប្រកួតនៅរសៀលនេះទេ លើវិញ្ញាសាប៊ីយ៉ែការ៉ុម ដូច្នេះ យើងនឹងរង់ចាំមើលថា តើកីឡាការិនីស្នូឃ័រកំពូលរបស់កម្ពុជារូបនេះ អាចធ្វើបានល្អយកឈ្នះដៃគូប្រគួតរបស់ខ្លួនដណ្តើមមេដាយណាមួយជូនជាតិ។

ចំណែក កីឡាការិនី ខាន់ ចេសា នឹងប្រកួតវិញ្ញាសាជឺជីតស៊ូ ផ្នែកប្រយុទ្ធគ្មានហ្គី(No GI) នៅរសៀលនេះដូចគ្នាដែរ ដូចនេះ អង្គភាពសារព័ត៌មាន SBM News សូមជូនពរកីឡាការិនីទាំងពីរទទួលបានជោគជ័យ នៅការប្រកួតរសៀលនេះ…៕អានពត៌មានប្រចាំថ្ងៃ