មិនធម្មតាទេ !! ធឿន ធារ៉ា ប្រកាសចង់ប្រកួតជាមួយកីឡាករ យី ឡុង លំដាប់ជើងខ្លាំងរបស់ចិន

នៅមុនការប្រកួតក្នុងកម្មវិធី GanzBerg រាជសីគុនខ្មែរ ល្ងាចនេះក្នុងទីក្រុងកោះពេជ្យ រាជធានីភ្នំពេញ កីឡាករ Superstar ជើងខ្លាំងរបស់គុនខ្មែរយើង អ្នកលេងពូថៅដៃពិឃាត ធឿន ធារ៉ា បានប្រកាសចង់ជួបជាមួយកីឡាករលំដាប់មួយរូបរបស់ប្រទេសចិនគឺកីឡាករ យី ឡុង។

តាមរយៈបទសម្ភាសន៍ជាមួយអ្នកសារព័ត៌មាន ធឿន ធារ៉ា បានលើកឡើងថា មកទល់ពេលនេះខ្លួនពិតជាចង់ប្រកួតជាមួយកីឡាករ យី ឡុង នេះខ្លាំងណាស់ ដោយ ធឿន ធារ៉ា ចង់បបួលរូបគេមកលេងគុនខ្មែរសាកក្បាច់គុនគ្នា។

យ៉ាងណាមិញ ធឿន ធារ៉ា ផ្ទាល់ ក៏បានស្នើរសុំទៅកាន់ថ្នាក់លើផងដែរដើម្បីធ្វើឲ្យជំនួបមួយនេះអាចកើតឡើងបាន ប៉ុន្តែភាគីខាងចិនបានឆ្លើយតបមកវិញថាមិនហ៊ានប្រកួតជាមួយនោះទេ ជាពិសេសនោះប្រសិនបើប្រកួតក្នុងលក្ខណៈជាគុនខ្មែរ។

គួរឲ្យដឹងផងដែរថា កីឡាករ យី ឡុង របស់ចិននេះមានប្រវត្តិមិនធម្មតានោះទេ ដោយរូបគេថែមទាំងធ្លាប់ប្រកួតឈ្នះកីឡាករ ប៊ួ ខាវ របស់ប្រទេសថៃថែមទៀតផង។ តើបងប្អូនគិតថាជំនួបរវាងកីឡាករ ធឿន ធារ៉ា និងកីឡាករចិន យី ឡុង នេះអាចកើតមានឡើងដែរឫទេ ? ហើយប្រសិនបើប៉ះគ្នាមែននោះតើ ធឿន ធារ៉ា អាចមានលទ្ធភាពយកឈ្នះកីឡាករចិននេះប៉ុន្មានភាគរយ?អានពត៌មានប្រចាំថ្ងៃ