ភរិយារបស់កីឡាករប្រេស៊ីល Lucas Gabriel បានបង្ហាញការមិនអស់ចិត្តបន្ទាប់ពីស្វាមីរបស់ខ្លួនប្រកួតចាញ់កីឡាករ ព្រំ សំណាង នៅស្ថានីយ៍ប៉ុស្តិ៍ទូរទស្សន៍ហង្សមាសនិងបានរបូតខ្សែក្រវាត់មួយខ្សែផងដែរ ។
Chisora បានផ្តល់ដំបូន្មានដល់ Deontay Wilder ! អំពីអាជីពរបស់គាត់
កាលពីល្ងាចថ្ងៃទី 10 ខែសីហា កន្លងទៅនេះ ស្ថានីយ៍ទូរទស្សន៍ប៉ុស្តិ៍ហង្សមាស បានរៀបចំកម្មវិធីប្រកួតដណ្តើមខ្សែក្រវាត់ Xtreme Cambodia Kun Khmer ដែលមានគូដណ្តើមខ្សែក្រវាត់ចំនួនបីគូ ដូចជា ឈឿង ល្វៃ ទល់នឹងកីឡាករ ហ្វឺដាវចូន ណៃម៉ូវ – ធន់ រិទ្ធី ទល់នឹងកីឡាករ ហ្វីលីព ដារូសា និង ព្រំ សំណាង ទល់នឹងកីឡាករ លូកាស់ ហ្កាប្រីអែល ។ ជាលទ្ធផល ឈឿង ល្វៃ បានយកឈ្នះដៃគូ ក្នុងទឹកទីមួយ ។
ធន់ រិទ្ធី បានយកឈ្នះដៃគូក្នុងទឹកទីមួយ និង ព្រំ សំណាង បានយកឈ្នះដៃគូដោយពិន្ទុ ។ គូកំពុងតែក្តៅនិងផ្ទុះការវែកញែកពេញបណ្តាញសង្គម គឺ ព្រំ សំណាង ទល់នឹងកីឡាករ Lucas Gabriel ដោយមានមតិចម្រូងចម្រាសជាច្រើនបានលើកឡើងខុសៗគ្នាថា ព្រំ សំណាង មិនស័ក្តសមឈ្នះនោះទេ ខណៈដែលមតិផ្សេងទៀតបានលើកឡើងថា ព្រំ សំណាង ឈ្នះគឺត្រឹមត្រូវហើយ ។
ជាមួយគ្នានេះផងដែរ ភរិយារបស់កីឡាករ Lucas បានលើកឡើងចំៗថា ខាងចៅក្រម បានលួចលទ្ធផលស្វាមីរបស់ខ្លួន ដោយបានសរសេរជា Comment ថា “លូកាស វាយបានល្អជាង ពួកគេបានសុំការប្រកួតឡើងវិញ ប៉ុន្តែបានលួចលទ្ធផល ឥរិយាបទដ៏អាក្រក់” នាងបានបន្តទៀតថា “លូកាស បានប្រយុទ្ធជារៀងរាល់ជុំ ព្រំ សំណាង បានរត់គេចពីការប្រយុទ្ធ ចៅក្រមលំអៀង ការពារប្រទេស និង អយុត្តិធម៌” ។
ជាមួយគ្នានេះផងដែរក៏មានអ្នកគាំទ្រគុនខ្មែរបានលើកឡើងថា ព្រំ សំណាង សមតែឈ្នះផងដែរដោយបានលើកហេតុផលឡើងថា “យើងឈ្នះសាកសមហើយបងប្អូន 1. ដេញវាយគេ 3 ទឹក 2. វៃជង្គង់ និងទាត់ចេញអាការ: បើអាញ្ញាកណ្តាល់មិនឆាប់បំបែកខៀវអាចសន្លប់ 3. វាយគេបែក 4. យើងម្ចាស់ផ្ទះ ។ ដែលមតិនេះស្តាប់ទៅសមហេតុសមផងដែរ ។ ចុះបងប្អូនយើងវិញគិតថា អោយកីឡាករ ព្រំ សំណាង ឈ្នះ ត្រឹមត្រូវដែរឬទេ ?