ធឿន ធារ៉ា ខកខានចេញទៅប្រកួតនៅប្រទេសជប៉ុនវិញដោយសារមូលហេតុមួយនេះ

អ្នកគ្រូ ស សុម៉ាលី ដែលជាគ្រូបង្វឹករបស់អ្នកលេងពូថៅដៃពិឃាត ធឿន ធារ៉ា បានលើកឡើងច្បាស់ៗថា កូនសិស្សរបស់អ្នកគ្រូរូបនេះនឹងខកខានចេញទៅប្រកួតនៅសង្វៀន Knock Out របស់ប្រទេសជប៉ុននៅខែ 08 វិញ ហើយមូលហេតុគឺបណ្តាលមកពីរឿងមួយនេះ។

តើធឿន ធារ៉ា អាចដឹកនាំក្រុមអ្នកចម្បាំងគុនខ្មែរ ដណ្តើមជ័យជម្នះពីក្រុមអ្នកចម្បាំង KNOCK OUT បានដែរឬទេ?

ពីដំបូងឡើយបើតាមការបង្ហោះរបស់ MC Vutha បានឲ្យដឹងថា កីឡាករគុនខ្មែរយើងចំនួន 04 រូបគ្រោងនឹងចេញទៅអុកឡុកនៅសង្វៀន Knock Out របស់ប្រទេសជប៉ុននៅខែ 08 ខាងមុខនេះដែលរួមមានដូចជាកីឡាករ ធឿន ធារ៉ា អេ អាំម៉េរីន ពេជ្យ សម្បត្តិ និងកីឡាករ ឈុត សេរីវ៉ាន់ថង ។

ប៉ុន្តែថ្មីៗនេះបើតាមការបញ្ជាក់របស់អ្នកគ្រូ ស សុម៉ាលី បានឲ្យដឹងថា សម្រាប់អ្នកលេងពូថៅដៃពិឃាត ធឿន ធារ៉ា គឺនិងខកខានមិនបានចេញទៅប្រកួតវិញព្រោះតែមិនមានដៃគូរប្រកួតជាមួយ។

តាមពិតទៅខាងជប៉ុនគេរកបានអ្នកដែលត្រូវប្រកួតជាមួយ ធឿន ធារ៉ា ឃើញហើយ ប៉ុន្តែបន្ទាប់ពីមើលវីដេអូប្រកួតរបស់ ធឿន ធារ៉ា រួចមក កីឡាករម្នាក់នោះក៏បដិសេធមិនព្រមប្រកួតវិញដោយលើកហេតុផលថា ខ្លាចនិងញញើតផ្លែកែងរបស់កីឡាករ ធឿន ធារ៉ា ស្របពេលដែលការប្រកួតនោះគ្រោងនិងប្រកួតលក្ខណៈបែបគុនខ្មែរ៕