នៅសល់តែ៣ថ្ងៃទៀតប៉ុណ្ណោះ ជំនួបកក្រើកឋានទាំងបីរបស់ស្ថានីយទូរទស្សន៍ថោននឹងមកដល់ហើយ នោះគឺការប្រកួតប្រដាល់គុនខ្មែរក្នុងកម្រិតពិភពលោកមួយដែលមានឈ្មោះថា «វើកសេនាគុនខ្មែរពិភពលោក» ដែលមានស្តេចប្រដាល់គុនឡេតវេយ៍ភូមា ដាវ លីឌុច និងអធិរាជជង្គង់កែងឆាប ព្រំ សំណាង ជាគូឯកប្រចាំព្រឹត្តិការណ៍ ខណៈគូអមគូឯកក៏មិនធម្មតាដែរ គឺសុទ្ធតែជាកីឡាករកំពូលៗជួរមុខរបស់កម្ពុជាទាំងអស់…។
គូបើកឆាកដំបូង កីឡាករដែលមានរហស្សនាមរាហ៊ូមាស ឈុត សេរីវណ្ណថង នឹងត្រូវប្រកួតតទល់ជាមួយកីឡាករជនជាតិរុស្ស៊ី ម៉ាហ្សូរី ហ្សារេហ្វ (MAZORIEV SHARIF) ក្នុងប្រភេទម្ងន់៦០គីឡូក្រាម។
អ្នកលេងក្បាច់បច្ចេកទេសគុនខ្មែរ កីឡាករ បឺត សង្ឃឹម នឹងត្រូវជួបប្រកួតតទល់ជាមួយកីឡាករជនជាតិគីជីស្ថាន ទីម័រ (TIMUR) ក្នុងប្រភេទទម្ងន់៥៧គីឡូក្រាម។ចំណែកកីឡាករដែលមានរហស្សនាមដំរីភ្លុកពិឃាត ផល សោភ័ណ្ឌ នឹងត្រូវជួបប្រកួតតទល់ជាមួយកីឡាករមហាមិត្តដែកថែប លី តាន់តៅ មកពីប្រទេសចិន ក្នុងប្រភេទម្ងន់៦៥គីឡូក្រាម។អានពត៌មានប្រចាំថ្ងៃ