តើធឿន ធារ៉ា អាចដឹកនាំក្រុមអ្នកចម្បាំងគុនខ្មែរ ដណ្តើមជ័យជម្នះពីក្រុមអ្នកចម្បាំង KNOCK OUT បានដែរឬទេ?

ព្រឹត្តិការណ៍ជាប្រវត្តិសាស្ត្រគុនខ្មែរ នឹងកើតមានឡើងលើសង្វៀនប្រដាល់លំដាប់ថ្នាក់ពិភពលោករបស់ប្រទេសជប៉ុន នាថ្ងៃទី០៤សីហា ឆ្នាំ២០២៤ ខាងមុខ ខណៈអ្នកលេងពូថៅដៃពិឃាដ ធឿន ធារ៉ា ជាអ្នកដឹកនាំក្រុមអ្នកចម្បាំងគុនខ្មែរ ឡើងតទាំងជាមួយជើងខ្លាំងនៅសង្វៀន KNOCK OUT ដោយបានចេញផុស្ទ័រផ្សព្វផ្សាយជាផ្លូវការ…។

គុនខ្មែរ បច្ចុប្បន្នកំពុងមានសន្ទុះស្ទុះឡើងខ្លាំងគួរឱ្យកត់សម្គាល់ ក្នុងចំណោមវិស័យកីឡាគុនប្រយុទ្ធនៅជុំវិញសកលលោក ជាក់ស្ដែង ស្ថាប័ន KNOCK OUT ដែលជាស្ថាប័នប្រដាល់ដ៏ធំប្រចាំប្រទេសជប៉ុន និងមានស្ដង់ដារកម្រិតពិភពលោក ពេលនេះ បានចាប់អារម្មណ៍ពីគុនខ្មែរដែរ ដោយបានរៀបចំការប្រយុទ្ធមួយរវាងក្រុមអ្នកចម្បាំង KNOCK OUT របស់ប្រទេសជប៉ុន ជាមួយអ្នកចម្បាំងគុនខ្មែរពីប្រទេសកម្ពុជាដែលដឹកនាំដោយកីឡាករ ធឿន ធារ៉ា។

គេនៅចាំបានថា ចាប់តាំងពីស្ថាប័ន IPCC ពិភពលោក ទទួលស្គាល់ គុនខ្មែរ ជាផ្លូវការមក សន្ទុះនៃការគាំទ្រក្បាច់គុនខ្មែររបស់ប្រទេសកម្ពុជាមួយនេះ មានការកើនឡើងជាលំដាប់ ពិសេសកីឡាករបរទេស ហាក់ស្គាល់ពាក្យ “គុនខ្មែរ” កាន់តែច្រើនឡើងពីមួយថ្ងៃទៅមួយថ្ងៃ។

លោក គីម ស៊្រុនកុសល ហៅថមីគីម តំណាងស្ថាប័ន IPCC ប្រចាំប្រទេសកម្ពុជា បានបង្ហោះសារនៅលើគណនីហ្វេសប៊ុកផ្លូវការរបស់លោក នៅរសៀលថ្ងៃទី០២កក្កដា នេះថា «តើអ្នកគាំទ្រឃើញ​ Poster ខាង​ Knock Out ជប៉ុន ចេញមកនេះ​ មានអ្វីប្លែកអត់? ការខិតខំប្រឹងប្រែងរបស់ក្រុមការងារថោន​ ឥឡូវបានសំរេចជោគជ័យមួយដំណាក់កាលហើយ​ ដោយខាងជប៉ុ​ន​ ទទួលស្គាល់ និងដាក់ពាក្យគុនខ្មែរ​ ទន្ទឹមស្មើនឹងឈ្មោះស្ថាប័នគេ​ ដោយយើងអាចចេញប្រកួតក្រោមផ្លាកឈ្មោះគុនខ្មែរ​ ពេញលេញ Poster​ មួយសាមញ្ញណាស់​ តែមិនងាយស្រួលនោះទេ អរគុណក្រុមការងារ​ IPCC ក្រុមការងារ​ Kock Out ជប៉ុន”។

យ៉ាងណា ព្រឹត្តិការណ៍ Kock Out X Kun Khmer នៅថ្ងៃទី០៤សីហាខាងមុខ កីឡាករកម្ពុជាលំដាប់ប្រទេសចំនួន៤រូប នឹងត្រូវចេញទៅប្រកួតជាមួយជើងខ្លាំងម្ចាស់ផ្ទះជប៉ុនរួមមាន៖ រាហ៊ូមាស ឈុត​សេរីវាន់ថង និងត្រូវជួបប្រកួតជាមួយដៃគូចាស់ ពេជ្រ សម្បត្តិ គឺ កីឡាករជប៉ុន តៃម៉ូ ហ៊ីសៃ ចំណែកដៃគូចាស់ តៃម៉ូ​ ហ៊ីសៃ ក្របីព្រៃ ពេជ្រ​ សម្បត្តិ នឹងត្រូវជួបជាមួយកីឡាករ កូម៉ូរិ រីយ៉ា និងទាយាទស្ដេចប្រដាល់ត្រកូលអេ កីឡាករ អេ​អាំម៉ារីន ភូថង នឹងត្រូវជួបជាមួយកីឡាករជប៉ុន-ថៃ ដែនស្យាម វីរៈស័ករិក និងចុងក្រោយអ្នកលេងពូថៅថៅដៃពិឃាត ធឿន ធារ៉ា ត្រូវជួបជើងខ្លាំងប្រចាំប្រទេសជប៉ុន ប៉ុន្តែនៅមិនទាន់បានបង្ហាញមុខដៃគូនៅឡើយទេ។

ស៊ន រ៉ាគីម បបួលលេងអំបោះឆៅស្រាប់តែ សាន់ គុនខ្មែរបានឆ្លើយតបទៅវិញបែបនេះ

ទោះយ៉ាងណា សម្រាប់វត្តមានដៃគូកីឡាករ ធឿន ធារ៉ា ត្រូវបានប្រភពពីអ្នករៀបចំកម្មវិធី ទម្លាយថា អាចជាកីឡាករសញ្ជាតិអាល្លឺម៉ង់ ព្រោះកីឡាករបរទេសរូបនេះជាជើងខ្លាំងប្រចាំសង្វៀន KNOCK OUT ម្នាក់ដែរ។ ដូច្នេះ យើងរង់ចាំមើលថា តើអ្នកចម្បាំងក្រុម Kock Out ជប៉ុន អាចទប់ជើងខ្លាំងគុនខ្មែរ ប្រចាំប្រទេសកម្ពុជាបានដែរឬទេ?…៕