ជាការពិតណាស់! យើងដឹងស្រាប់ហើយថា ជំនួបស៊ីសាច់ហុតឈាមយ៉ាងក្ដៅកកុករវាងក្រុមនាគខៀវបឹងកេត និងក្រុមសិង្ហក្រហមភ្នំពេញក្រោន ត្រូវបានអ្នកគាំទ្របាល់ទាត់នៅកម្ពុជា ក៏ដូចជាអ្នកវិភាគបាល់ទាត់ក្នុងស្រុក និងក្រៅស្រុក ចាត់ទុកជាការប្រកួត Classic Match in Cambodia ដែលជាជំនួបដ៏ធំមួយនៅក្នុងលីគកំពូលកម្ពុជា..។
ចុងសប្តាហ៍នេះ ការប្រកួតជុំទី២ នៃលីគកំពូលកម្ពុជា CPL រដូវកាល២០២៣-២៤ សប្តាហ៍ទី១០ ក្រុមម្ចាស់ផ្ទះបឹងកេត ដឹកនាំដោយលោកគ្រូក្លេមីន តៅ Clement Teo នឹងបើកទ្វារពហុកីទ្បដ្ឋានជាតិអូទ្បាំពិក ស្វាគមន៍ក្រុមភ្នំពេញក្រោន នាវេលាម៉ោង១៨:០០ល្ងាចថ្ងៃទី០៤ ខែវិច្ឆិកា ឆ្នាំ២០២៣ ខាងមុខ។
នេះគឺជាលើកទី២ ក្នុងរដូវកាលនេះដែលក្រុមជើងខ្លាំងទាំងពីរនៅរាធានីភ្នំពេញប៉ះគ្នាក្នុងលីគ។ យ៉ាងណា កាលពីប្រកួតបើកឆាកដំបូងក្នុងសប្តាហ៍ទី១ ក្រុមម្ចាស់ផ្ទះភ្នំពេញក្រោន ដឹកនាំដោយបុរសខ្លាំងសញ្ជាតិអ៊ុយក្រែនវ័យ៣៧ឆ្នាំ លោកគ្រូ អូឡេក ស្តារីនស្គី បានវាយបកយកឈ្នះលើក្រុមបឹងកេត ដោយបញ្ចប់លទ្ធផល ២-១ នៅឯកីទ្បដ្ឋាន Smart RSN ក្រោមក្រសែភ្នែកអ្នកចូលរួមទស្សនារហូតដល់៥០៧៨នាក់។អានពត៌មានប្រចាំថ្ងៃ