គ្រាន់តែលឺដំណឹងថាបានមកប្រកួតនៅកម្ពុជាភ្លាមស្រាប់តែ Mario Alvarez បានបង្ហោះសារបែបនេះភ្លែត

កីឡាករជើងខ្លាំងរបស់អេស្ប៉ាញ Mario Alvarez ដែលផ្តួល ឈុត សេរីវ៉ាន់ថង ឲ្យសន្លប់ក្នុងទឹកទីមួយនៅប្រទេសបារាំងកាលពីប៉ុន្មានថ្ងៃមុនបានបង្ហោះសារចំៗបែបនេះទាក់ទងនឹងគុនខ្មែរ ក្រោយទទួលបានដំណឹងថារូបគេនឹងមកប្រកួតនៅក្នុងប្រទេសកម្ពុជានាពេលឆាប់ៗខាងមុខនេះ។

យ៉ាងណាមិញ បើតាមការបញ្ជាក់របស់លោក សឿ វណ្ណៈ ដែលជាស្ថាបនិក Kun Khmer Super Fight បានឲ្យដឹងថា នៅថ្ងៃទី05 ខែតុលា ឆ្នាំ2024 ខាងមុខនេះខាងអេស្ប៉ាញនិងបញ្ជូនកីឡាករគេមកប្រកួតនៅក្នុងប្រទេសកម្ពុជាយើងចំនួន 03 រូបក្នុងនោះរួមមានគីឡូ 61kg ពីររូបមកប្រកួតបែបម៉ារ៉ាតុងដណ្តើមខ្សែក្រវ៉ាត់ 2= ជាមួយកីឡាករគុនខ្មែរយើងក្នុងប្រភេទទម្ងន់ 61kg ដូចគ្នា និងម្នាក់ទៀតគីឡូ 72.5kg មកប្រកួតបែបមិត្តភាព។

ក្រោយបញ្ចប់កំណត់ត្រារបស់ Buakaw ជើងខ្លាំង Stoyan បន្តឈ្នះរហូតគ្រងខ្សែក្រវាត់ K-1

សម្រាប់កីឡាករអេស្ប៉ាញដែលត្រៀមប្រកួតម៉ារ៉ាតុងក្នុងនោះក៏មានវត្តមានកីឡាករជើងខ្លាំងកណ្តាប់ដៃធ្ងន់ Mario Alvarez ម្នាក់ផងដែរ ខណៈពេលដែលកីឡាករគុនខ្មែរយើងរកឃើញម្នាក់ដែរហើយគឺ នាគមាសខេត្តបន្ទាយមានជ័យ ឃីម បូរ៉ា ។

ទាក់ទងនិងកីឡាករ Mario Alvarez នេះក្រោយពេលដែលដឹងថា ខ្លួនជិតនឹងឡើងយន្តហោះមកប្រកួតនៅប្រទេសកម្ពុជាភ្លាមស្រាប់តែរូបគេបានបង្ហោះសារថា ជួបគ្នាឆាប់ៗគុនខ្មែរនៅក្នុងប្រទេសកម្ពុជា វានឹងក្លាយជាការប្រកួតមួយដ៏លំបាក ស្វិតស្វាញនឹងតានតឹងជាទីបំផុត ប៉ុន្តែទោះបីជាយ៉ាងណាក៏ដោយគាត់សន្យាថានឹងធ្វើឲ្យអស់ពីសមត្ថភាព។

គួរបញ្ជាក់ផងដែរថា សម្រាប់ការប្រកួតម៉ារ៉ាតុងដណ្តើមខ្សែក្រវ៉ាត់ 2= រវាងកម្ពុជានិងអេស្ប៉ាញនេះ ខាងកម្ពុជាយើងនៅមិនទាន់រកឃើញសមាសភាពកីឡាករម្នាក់ទៀតនៅឡើយទេ ដូច្នេះតើបងប្អូនពេញចិត្តកីឡាករគុនខ្មែររូបណាម្នាក់ទៀតក្នុងប្រភេទគីឡូ 61kg នេះដើម្បីយកមកប្រកួត ?

គួរឲ្យដឹងផងដែរថា សម្រាប់អ្នកឈ្នះក្នុងការប្រកួតនេះនិងទទួលបានខ្សែក្រវ៉ាត់ពិភពគុនខ្មែរ WKF មួយខ្សែអមដោយមេដាយមាសមួយរួមទាំងទឹកប្រាក់ចំនួន 20 លានរៀល ចំណែកឯលេខពីរជើងឯករងទទួលបានមេដាយប្រាក់មួយរួមទាំងទឹកប្រាក់ចំនួន 12 លានរៀលផងដែរ៕