ការចាប់ឆ្នោតបានចេញជាផ្លូវការហើយ ក្រុមជើងឯកលីគកំពូលកម្ពុជា ព្រះខ័នរាជស្វាយរៀង ប៉ះក្រុមជើងលីគកំពូលឡាវ Young Elephants។ ក្រុមរបស់ឡាវនេះហាក់ទៅណាមិនឆ្ងាយពីក្លឹបកម្ពុជាសោះ ខណៈឱ្យតែប៉ះក្លឹបនៅខ្មែរគឺក្លឹបឡាវពិបាកនឹងទទួលបានជ័យជំនះណាស់។
កាលពីប្រកួតជម្រុះ AFC Cup ក្រុមរបស់ឡាវបានចាញ់ភ្នំពេញក្រោនយ៉ាងចាស់ដៃម្តងរួចហើយ។ ឥលូវនេះ Young Elephant ត្រូវមកជួបក្រុមខ្លាំងនៅខេត្តស្វាយរៀងថែមទៀត។ ដោយឡែគក្រុមជើងឯកលីគកំពូលមីយ៉ាន់ម៉ា ShanUnited ប៉ះក្រុមជើងឯកលីគកំពូលព្រុយណេ Kasuka សម្រាប់វគ្គជម្រុះពានរង្វាន់ក្លិបបាល់ទាត់អាស៊ាន ASEAN Club Championship រដូវកាល ២០២៤-២០២៥។
ពានរង្វាន់ ASEAN Club Championship រដូវកាលថ្មីនេះ ត្រូវបានកំណត់ក្រុមចំនួន១២ មកពីតំបន់អាស៊ានចូលរួមប្រកួត។ ក្រុមចំនួន១០ ទួលបានកៅអីវគ្គចែកពូលដោយស្វ័យប្រវត្តិ គឺឥណ្ឌូណេស៊ីមាន២ក្រុម ម៉ាឡេស៊ីមាន២ក្រុម ថៃមាន២ក្រុម វៀតណាមមាន២ក្រុម ហ្វីលីពីនមាន១ក្រុម សិង្ហបុរីមាន១ក្រុម។
ចំណែក២ក្រុមទៀត ត្រូវជ្រើសរើសពីការប្រកួតជម្រុះរវាងប្រទេស៤ ដោយកម្ពុជាមាន១ក្រុម គឺព្រះខ័នរាជស្វាយរៀង ព្រុយណេមាន១ក្រុម គឺKasuka ឡាវមាន១ក្រុមគឺYoung Elephants និងមីយ៉ាន់ម៉ាមាន១ក្រុម គឺ Shan United។
បន្ទាប់ពីចប់វគ្គជម្រុះការប្រកួតនឹងបែងចែកជា២ពូល គឺក្នុង១ពូល មាន៦ក្រុម ដែលត្រូវប្រកួតសន្សំពិន្ទុ ក្នុងដី និង ក្រៅដី។ ក្រុមលេខ១ និងលេខ២ នៃពូលនីមួយៗនឹងឡើងទៅកាន់វគ្គពាក់កណ្តាលផ្តាច់ព្រ័ត្រ។ ការប្រកួតជម្រុះធ្វើឡើងពីរជើង ដូច្នេះ ព្រះខ័នរាជស្វាយរៀង ត្រូវធ្វើដំណើរទៅទឹកដីឡាវ សម្រាប់ជើងទី១ ថ្ងៃទី១៧ ខែកក្កដា និងត្រឡប់មកទឹកដីកម្ពុជាជើងទី២នៅថ្ងៃទី២៤ ខែកក្កដា ឆ្នាំ២០២៤៕អានពត៌មានប្រចាំថ្ងៃ