ក្លឹប Olympic Marseille បានបញ្ចប់ការចុះហត្ថលេខាលើខ្សែប្រយុទ្ធជើងចាស់កីឡាករ Pierre-Emerick Aubameyang ក្នុងតម្លៃបិទជិតបន្ទាប់ពីខ្សែប្រយុទ្ធ ជម្រើសជាតិហ្គាបុងវ័យ ៣៤ ឆ្នាំរូបនេះរកបានតែ ៣ គ្រាប់ប៉ុណ្ណោះក្នុងការបង្ហាញខ្លួន ២២ លើកសម្រាប់ក្លឹប Chelsea ក្រោយផ្ទេរពីក្លឹប Barcelona ក្នុងកិច្ចព្រមព្រៀងតម្លៃ ១០.៣ លានផោនកាលពីខែកញ្ញាឆ្នាំមុន។
មានន័យថាកីឡាករ Aubameyang បានចាកចេញពីលីកកកំពូលអង់គ្លេសជាលើកទីពីរក្នុងរយៈពេល ១៨ ខែ ពោលគឺធ្លាប់បានចំណាយពេលសរុប ៤ ឆ្នាំ ក្រោយចាប់ផ្តើមអាជីពដំបូងជាមួយ Arsenal ចាប់ពីឆ្នាំ២០១៨ មុនពេលចូលរួមជាមួយ Barcelona ក្នុងខែមករា ២០២២ និង ស៊ុតបញ្ចូលទីបាន ១៣ គ្រាប់ក្នុង ២៣ ប្រកួតសម្រាប់រយៈពេល ៦ ខែ ក្នុងប្រទេសអេស្ប៉ាញ ។
កីឡាករឆ្នើមប្រចាំឆ្នាំ២០១៥របស់ទ្វីបអាហ្រ្វិកធ្លាប់បង្ហាញខ្លួនតែមួយដងគត់ក្រោមការដឹកនាំរបស់អតីតគ្រូបង្វឹកលោក Thomas Tuchel និងមិនមាន ឈ្មោះ សម្រាប់ក្រុម Chelsea ក្នុងក្របខណ្ឌ Champions League សម្រាប់ការប្រកួតវគ្គចែកពូល បន្ទាប់ពីការមកដល់ របស់សមាជិក ថ្មីក្នុង ខែមករា ២០២៣ មានដូចជាៈ កីឡាករ Mykhailo Mudryk និង កីឡាករ Noni Madueke ជាដើមនោះ។អានពត៌មានប្រចាំថ្ងៃ