João Félix ដែលបច្ចុប្បន្នកំពុងខ្ចីជើងទៅ Barcelona ពី Atlético Madrid បានចែករំលែកគំនិតរបស់គាត់ក្នុងការបន្តជាមួយក្លឹបកាតាឡាន។
ខ្សែប្រយុទ្ធសញ្ជាតិព័រទុយហ្គាល់បានបង្ហាញពីបំណងចង់បន្តនៅជាមួយ Barça ប៉ុន្តែគាត់បានទទួលស្គាល់ថាការសម្រេចចិត្តនេះគឺមិនមែននៅក្នុងដៃរបស់គាត់ទាំងស្រុងនោះទេ។
“ខ្ញុំកំពុងស្ថិតលើការខ្ចីជើង ដូច្នេះវាមិនអាស្រ័យលើខ្ញុំទេ។ ផែនការរបស់ខ្ញុំគឺច្បាស់លាស់ ខ្ញុំស្រលាញ់ Barcelona ហើយខ្ញុំចង់ស្នាក់នៅ។ វាអាស្រ័យលើកត្តាជាច្រើន ដូច្នេះយើងនឹងឃើញមានអ្វីកើតឡើង” Félix បាននិយាយទៅកាន់ The Nude Project ។Atlético Madrid
João Félix គឺជាកីឡាករផ្លូវការរបស់ Atlético Madrid ប៉ុន្តែគាត់បានចូលរួមជាមួយ Barça ក្នុងលក្ខខ័ណ្ឌខ្ចីជើងកាលពីឆ្នាំមុន។ ក្នុងរដូវកាលចុងក្រោយនេះ គាត់បានលេង 30 ប្រកួត ដោយស៊ុតបញ្ចូលទីបាន 7 គ្រាប់ និងបញ្ជូនបាល់ឱ្យមិត្តរួមក្រុមចំនួន 3 ដង។
កន្លងមកមានសេចក្តីរាយការណ៍ថា Barcelona មានបំណងរក្សាទុកកីឡាករខ្ចីជើងសញ្ជាតិព័រទុយហ្គាល់ទាំងពីរគឺ João Félix និង João Cancelo សម្រាប់រដូវកាលក្រោយ។
រដូវកាលថ្មីនឹងឃើញ Hans-Dieter Flick ដឹកនាំ Barcelona បន្ទាប់ពីការចាកចេញរបស់ Xavi Hernández ។