យោងតាមសារព័ត៌មាន SPORT បានឲ្យដឹងថា Paris Saint-Germain , Manchester United, និង Chelsea កំពុងតែស្វែងរកការលួចផ្ទេរកីឡាករ Vitor Roque ទៅកាន់ Barcelona។
ក្លឹបអ្នកមានបុណ្យ បានឈានដល់កិច្ចព្រមព្រៀងពាក្យសំដីជាមួយ Roque ជុំវិញការផ្លាស់ប្តូរមួយហើយ ថ្លៃផ្ទេរ ៣៥លានអឺរ៉ូ បូកនឹងបន្ថែម ១០លានអឺរ៉ូ ក៏ត្រូវបានយល់ព្រមផងដែរ។ មួយវិញទៀត Barcelona នឹងចំណាយលើចំនួនបីរដូវកាល។
លើសពីនេះ Roque ដែលបានស៊ុតបញ្ចូលទីបាន 6 គ្រាប់ និងបញ្ជូនបាល់ឱ្យមិត្តរួមក្រុមចំនួន 2 ដងក្នុងការប្រកួត 6 លើកចុងក្រោយសម្រាប់ក្រុម Athletico Paranense បានឈានដល់កិច្ចព្រមព្រៀងលើប្រាក់ខែរបស់គាត់។ កីឡាករអច្ឆរិយៈសញ្ជាតិប្រេស៊ីលអាយុ១៨ឆ្នាំនឹងរកបាន៣.៥លានអឺរ៉ូក្នុងរដូវកាលដំបូងរបស់គាត់នៅឯក្លឹប Barcelona ។
ទោះបីជាយ៉ាងណាក៏ដោយ របាយការណ៍របស់ SPORT បានអះអាងថា Manchester United, Chelsea, និង PSG មានឆន្ទៈក្នុងការបង្កើនចំនួនបីដង ហើយផ្តល់ឱ្យគាត់នូវប្រាក់ខែចំនួន 10 លានអឺរ៉ូក្នុងមួយរដូវកាលដើម្បីប្លន់យកគាត់ពីក្រុម Barca ។
គួរអោយដឹងផងដែរថាចំនួនទឹកប្រាក់បែបនេះគឺមិនអាចទៅរួចទេសម្រាប់ក្លឹបកាតាឡានក្នុងការផ្តល់ជូនចំពេលស្ថានភាពហិរញ្ញវត្ថុបច្ចុប្បន្នរបស់ពួកគេ។
Joan Laporta បានបង្កប់នូវច្បាប់ 40 ភាគរយ ដែលមានន័យថាសម្រាប់រាល់ 100 លានអឺរ៉ូនៃប្រាក់ចំណូលមិនធម្មតា មានតែ 40 លានអឺរ៉ូប៉ុណ្ណោះដែលអាចប្រើបានសម្រាប់ការចុះឈ្មោះកីឡាករ។អានពត៌មានប្រចាំថ្ងៃ