កាលជួបគ្នារវាង នីគិទិ និង ធឿន ធារ៉ា តើអាចស៊ូបានប៉ុន្មានទឹកដែរ..?

នៅទីបំផុតកីឡាករ ធឿន ធារ៉ា ស្គាល់ដៃគូបស់ខ្លួនហើយ គឺកីឡាករសញ្ជាតិបេឡារុសដែលប្រកួតចាញ់ កីឡាករ ព្រំ សំណាង ថ្មីៗនេះនៅសង្វៀនទូរទស្សន៍ថោន កាលពី​ថ្ងៃទី​១៦កក្កដា ឆ្នាំ២០២៣កន្លងទៅ។

ដ្បិតថាចាញ់ពិន្ទុព្រំ សំណាង ពិតមែន តែកីឡាករ នីគីតា អាចឆ្លងកាត់ការប្រកួតបានរហូតដល់ចប់៣ទឹក ដូចកាលអំឡុងប្រកួតជាមួយជើងខ្លាំងថៃ គិទិ នៅសង្វៀនថៃហ្វៃត៍ដែរ ប៉ុន្តែអ្នកគាំទ្រកម្ពុជា មានជំនឿថា ជួប ធឿន ធារ៉ា លើកនេះ ទំនងជាមិនអាចឆ្លងទៅដល់ទឹកទី៣នោះទេ…។

អំឡុងពេលជួបប្រកួតជាមួយអធិរាជជង្គង់កែងឆាប ព្រំ សំណាង ​កាលយប់​ថ្ងៃទី​១៦កក្កដា ក្នុងកម្មវិធីអវតារគុនខ្មែរ ដណ្តើម​ខ្សែ​ក្រវាត់តេជោសន្តិភាព (Kun Khmer World Champion) កីឡាករ​ នីគីតា បានប្រកួតយ៉ាងស្វិតស្វាញរហួតបញ្ចប់ទឹកទី៣។

កីឡាករ ព្រំ សំណាង ដែលធ្លាប់តែស៊ីកីឡាករបរទេសផុយៗទាំងនៅខ្មែរ និងសង្វៀនថៃហ្វៃត៍ ពេលជួបជើងខ្លាំង នីគីតា រូបគេទទួលស្គាល់ថា កីឡាករបរទេសរូបនេះ ពិតជាខ្លាំងជាងការរំពឹងទុកមុនការប្រកួត។

នៅថ្ងៃទី១០កញ្ញាខាងមុខនេះ អ្នកលេងគុនខ្មែរសញ្ជាតិបេឡារុសរូបនេះ នឹងធ្វើដំណើរមកទឹកដីម្ចាស់ក្បាច់គុនដើមម្ដងទៀត ក្នុងនាមជាអ្នកពិឃាតអ្នកប្រយុទ្ធគុនខ្មែរ នៃកម្មវិធី ឃាតកទាំង៥ ឬ (Top 5 Killer Most Wanted) របស់ស្ថានីយទូរទស្សន៍ថោន។អានពត៌មានប្រចាំថ្ងៃ